پونہ، فروری 24فروری (ایس او نیوز؍ آئی این ایس انڈیا )بھارتی سائنسی تعلیم اور ریسرچ انسٹی ٹیوٹ نے اپنی ایک امتحان میں طالب علموں سے یہ سوال پوچھا کہ ڈارون کے اصول پر تنقید کرتے ہوئے مرکزی وزیر ستیہ پال سنگھ کی طرف سے دی گئی دلیل میں کون سی شق غلط ہے۔ سوال کو لے کر ادارے کے ڈین سنجیو گلاڈے نے کہا کہ اس کا مقصد طالب علموں کے منطقی سطح اور اس کی دلائل کی تفتیش ہے ۔ گلاڈے نے کہا کہ متعلقہ محکمہ پیشہ ورانہ انداز میں تعلیم پر زور دیتا ہے اور سوالنامہ خلاصہ پر مبنی نہیں ہوتے۔ طالب علموں سے غور کرنے اور منطقی تجزیہ کرنے کی توقع کی جاتی ہے اور امتحان میں پوچھا گیا سوال آسان تھا جس کا مقصد طلبا کی منطقی دلائل پر گیرائی کی تفتیش تھا ۔سابق آئی پی سی اہلکار نے کہا تھا (انسانی نظریہ ارتقاء ) ڈارون کا اصول سائنسی طور پر غلط ہے۔ اسکولوں اور کالجوں کے نصاب میں اس میں تبدیلی کرنے کی ضرورت ہے۔ انسٹی ٹیوٹ نے گزشتہ 22 فروری کو گریجویشن کے طالب علموں کی ایک امتحان میں سوال کیا تھاکہ حال میں ہندوستان کے انسانی وسائل کی ترقی کے وزیر مملکت نے دعوی کیا کہ ڈارون کا انسانی ترقی کے اصول پر مبنی نظریہ غلط ہے؛ کیونکہ ہمارے باپ دادا سمیت کسی نے بھی تحریری یا زبانی طور پر یہ نہیں کہا ہے کہ انہوں نے لنگور کو انسان میں تبدیل ہوتے ہوئے دیکھا۔اس دلیل میں کوئی شق غلط نہیں ہے ۔